USA, cercados polas contradicións

O presidente do Estados Unidos atopase nunha situación difícil, ao aumentar a niveis insoportábeis as contradicións internas, que poden condicionar a súa reelección, e de conseguila, ateigala de dificultades. Coa chegada de Trump á presidencia, e a súa consigna de “Estados Unidos primeiro”, comezou unha etapa de agresiva confrontación con aquelas potencias que procuraban un mundo multipolar, China e Rusia, utilizando as intervencións militares, os bloqueos e sancións, a demonización mediática, a especulación na Bolsa…

Continue reading →

Inxerencia xudicial no eido político

Semellan moita casualidade as manifestacións seica espontáneas de cidadáns, así como as de VOX pedindo o fin do confinamento e un governo de emerxencia, a agresividade no Parlamento e de PP+VOX, a saída da CEOE da mesa social, utilizando escusa do acordo con Bildu. E, como recollendo este sentir a imputación pola xuíz do delegado do Governo en Madrid por permitir a manifestación do 8 de marzo, baseado nun informe da Garda Civil ao máis alto nivel, ateigado de trolas, inexactitudes e mentiras, segundo unha morea de medios. E, para manter a presión o cese e dimisión de varios cargos da Garda Civil. Sen dúbida hai vínculos ideolóxicos (tamén orgánicos?) entre todo estes feitos e suxeitos: terán como fin forzar un cambio de governo para impoñer recortes democráticos, laborais e políticos, nunha conxuntura na que se vai decidir quen paga os custes da crise e en que proporción?

Continue reading →

Tele-traballo, regulación e esaxeración

O tele-traballo pasou a primeiro plano das noticias por mor do confinamento pra deter o covid, xa que se trata dunha opción que permite manter a actividade económica e a distancia persoal. Mais, abriu un debate sobre se mantelo ou non en todos os casos despois da pandemia, así como respecto da necesidade de lexislar sobre esta situación laboral especifica. Por exemplo, a empresa debería pagar as facturas do consumo eléctrico e do custe da conexión e aportar os ordenadores e outros aparellos necesarios. Ademais, habería que fixar o horario con claridade para evitar que as tarefas a realizar superen a xornada pactada en convenio, etc.

Continue reading →

Quen pagará a crise?

Sen dúbida as persoas que faleceron polo covid-19, e as súas familias, serán as que paguen os maiores custes, tamén en boa medida aquelas que estiveron afectadas polo virus, porén esta pandemia tamén terá consecuencias moi distintas segundo a clase social e o territorio. En ambos estes dous casos dependerá da clase social e do grao de dependencia, de subordinación.

Continue reading →

Desescalada, autonomías e provincias

A evolución no noso país da pandemia, tanto pola redución do número de contaxios activos, persoas hospitalizadas e falecementos, permite pensar que pasará á fase dous sen grandes problemas. Mesmo así quedan retos pendentes de consolidar nos vindeiros meses, como actitude preventiva diante dun “rebrote” do covid-19 ou un novo virus, refírome á cantidade de leitos, a dispoñer do material e persoal sanitario necesario, así como a terminar co alto grao de temporalidade existente. Avanzar nestes aspectos será fundamental nos centros de saúde, que terán agora o papel de identificadores das persoas contaxiadas e decidir as primeiras medidas preventivas. Aínda que a tendencia é a esta altura positiva non se pode ignorar que non existe unha vacina, que o turismo exterior que veña no vrau implica un reto, xa que se pode importar o virus, máxime cando algunha das zonas tradicionais de orixe das/os viaxeiros teñen niveis de contaxio moi superiores ao noso.

Continue reading →

Quen pagará a factura económica?

Segundo o Presidente do Goberno os custes da crise da pandemia ascendían a pasada semana a 138.900 millóns de euros, ou sexa un 10% do PIB. Sería bo que se detallasen os gastos por autonomías e sectores, e moi especialmente os relativos ás subvencións a autónomos/as e axudas a empresas. Asemade, non se pode obviar que as crises sempre se ceban máis nas autonomías ou nacionalidades que teñen un rol secundario na cadea de valor, por mor de dependencia, xa que os centros de poder económico e político transfiren á periferia os sobre custes. Galiza é un reflexo no Estado español desta tendencia consubstancial co capitalismo, que concentra e centraliza poder e riqueza, especialmente nesta etapa de globalización neoliberal.

Continue reading →

As contradicións do seguidismo do PSOE-UP

Para alén da agresividade dos discursos da dereita, e a repetición teimosa do PSOE-UP das virtudes do Estado de Alerta e da provincia como área básica, a falta de apoios ao Governo central resultou evidente. Polo que Pedro Sánchez viuse obrigado a sacrificar a proposta inicial dun mes de duración da prorroga para poder contar co apoio de Ciudadanos, que engadido ao do PNV e outros partidos permitiulle sumar 177 votos. Agora ben, para alén desta votación circunstancial, os pactos marcan tendencias preocupantes para a coalizón que atinxen tanto a aprobación dos orzamentos e as políticas económicas e sociais, como a propia governabilidade no futuro. E asemade deixa varado un tema de tanta entidade como é a realidade plurinacional.

Continue reading →